Мана, бир неча йилдирки, мамлакатимизда 18 апрель — “Уй-жой коммунал хизмат кўрсатиш соҳаси ходимлари куни” сифатида нишонланиб келинмоқда. Пойтахтимиздаги Ўзбекистон миллий академик драма театрида ташкил этилган бу йилги тадбир ҳам тантанали тус олди.
Байрам тадбирини уй-жой коммунал хизмат кўрсатиш вазири Шерзод Ҳидоятов табрик сўзи билан очар экан, мазкур соҳа аҳоли кайфиятига тўғридан-тўғри таъсир қиладиган ўта масъулиятли соҳалардан бири эканлигини таъкидлади.
Тадбирда соҳа ривожига муносиб ҳисса қўшаётган вазирлик ва унинг тизим ташкилотларидаги 148 нафар ходим “Уй-жой коммунал хизмат кўрсатиш аълочиси” кўкрак нишони билан тақдирланди.
Байрам тадбирида Ўзбекистон миллий академик драма театри ижодий жамоасининг чиқишлари намойиш этилди.