Гап шундаки, 30 июнь — Ёшлар куни муносабати билан жорий йилнинг 25 июнь куни “Янги нафас”, “Ватан қалқони” оммавий югуриш мусобақалари ҳамда Халқаро олимпия кунига бағишланган “Olympyc day” мусобақаси ўтказилади. Шу муносабат билан шаҳримиздаги бир неча кўчалар вақтинча ёпилади, деб хабар бермоқда пойтахт ҳокимлиги ахборот хизмати.
Хусусан, 23 июнь куни соат 00:00 дан 25 июнь куни соат 10:00 гача:
- Aфросиёб кўчасининг Ислом Каримов шоҳ кўчаси билан кесишган чорраҳасидан Aфросиёб кўчаси бўйлаб Бешёғоч кўчаси билан кесишмасигача;
25 июнь куни соат 5:00 дан соат 8:00 гача:
- Aфросиёб кўчасининг Ислом Каримов шоҳ кўчаси билан кесишган чорраҳасидан Aфросиёб ва Ойбек кўчалари бўйлаб Ойбек ва Нукус кўчалари кесишмасигача;
- Ойбек ва Нукус кўчалари кесишмасидан Нукус кўчаси бўйлаб Рим католик черковигача.
