Жумладан, туман ҳокимининг тегишли фармойиши билан ишчи гуруҳи таркиби тузилиб, ҳозирга қадар 476 дан ортиқ тадбиркорлик субъектлари, хизмат кўрсатиш объектлари, корхона ва ташкилотлардаги пешлавҳалар, нархномалар ва эълонлар, айниқса аҳоли гавжум жойлар, бозорлар, савдо расталари, маҳалла гузарлари, кўчалардаги панно ва баннерлар, лавҳалардаги ёзув ва тасвирларнинг давлат тили қоида-меъёрларига мос эмаслиги ҳолати бирма-бир ўрганилди. Ўрганишлар мобайнида тил қоидаларига мос келмайдиган 152 та пешлавҳалар тартибга келтирилиб, қонун талабларига мос келмаган 114 та реклама-баннерлар эса олиб ташланди.
Бундан ташқари давлат аҳамиятидаги автомобиль йўлининг четида ўрнатилган бир ҳудуддан бошқа бир ҳудудга ўтганлигини билдирувчи пешлавҳаларнинг яроқлилиги ва улардаги ёзувларнинг лотин ёзувида хатосиз, давлат тилида ифодаланганлиги ўрганилди. Натижада 4 та ҳолат бўйича аниқланган камчиликлар тегишли ташкилотлар билан биргаликда бартараф этилди.
Шунингдек, туманда йил бошидан ҳозирга қадар 482 та Якка тартибдаги тадбиркорлик фаолияти билан шуғулланадиган тадбиркорлар турли номлар билан Давлат хизматлари маркази томонидан рўйхатдан ўтган. Ҳозирда келиб тадбиркорлар билан давлат тили қоида ва меъёрларига мувофиқ келадиган, объектларга қўйиш тавсия этиладиган номлар танланиб тартибга келтирилмоқда.
Ўрганишлар давом этмоқда.
21 октябрь байрам арафасида туманни намуна бўладиган даражада тайёрлашга барча куч ва имкониятларимизни сафарбар этамиз.
Юсуф НАСУЛЛАЕВ,
Вобкент тумани ҳокими маслаҳатчиси