Ш. Умурзоқов Ўзбекистонда, хусусан, Тошкентда, кенг кўламли ислоҳотлар амалга оширилаётганини маълум қилди. Жумладан, иқтисодиётни либераллаштириш, бизнес учун қулай муҳит яратиш, қонун ва ҳуқуқий кафолатлар устуворлигини таъминлаш бўйича ишлар давом этмоқда, шунингдек, инвесторлар билан ишлашнинг тўлақонли тизими жорий этилди. Бундан ташқари, меҳмонларга Тошкент шаҳар ҳокимлигининг фаолияти, унинг қисқа ва узоқ муддатли режалари ҳақида батафсил маълумот берилди.
Онур Южекал Çalık Enerji компанияси фаолиятининг йўналишлари ва кўлами ҳақида сўзлаб берди. Компания Ўзбекистон энергетика соҳасида рўй бераётган ўзгариш ва ислоҳотларнинг гувоҳи эканлигини таъкидлаб, истиқболли ҳамкорлик учун барча асос ва шароитлар мавжудлигига урғу берди, деб хабар беради Тошкент шаҳар ҳокимлиги матбуот хизмати.