Дастлабки маълумотларга кўра 9 нафар фуқаро тан-жароҳати олган.
Қайд этилишича, Андижон вилояти, Избоскан тумани “Мирзо Улуғбек“ МФЙ ҳудудида жойлашган масжидларинг бирида ҳаво-газ аралашмасининг чақнаши содир бўлганлиги ҳақида Андижон вилояти ФВБга хабар келиб тушган.
Хабарга асоссан, вилоят ФВБ раҳбарияти ва масъуллар ҳодиса жойига етиб борган, вазият тўлиқ назоратга олинган.
Ҳодиса бўйича, қўшимча ахборот берилади.
Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Андижон вилояти Избоскан туманидаги бахтсиз ҳодиса рўй берган “Аҳмадали ҳожи“ жоме масжидини мутасаддилар иштирокида кўздан кечирди.
Вилоят прокуратураси томонидан Избоскан туманидаги масжидда юз берган портлаш юзасидан мансаб ваколатини суиистеъмол қилиш ва ёнғин хавфсизлиги қоидаларини бузиш моддалари билан жиноят иши қўзғатилди.
Шу йилнинг 31 март куни Андижон вилояти Избоскан туманидаги масжидда рўй берган бахтсиз ҳодиса бўйича Вазирлар Маҳкамасининг тегишли фармойиши қабул қилинди.
