Таъкидланишича, воқеа бугун 18 декабрь соат 12:00ларда Тошкент вилояти, Ангрен шаҳри ҳудудида содир бўлган.
Унга кўра, шу куни хизматга жалб қилинган ЙПХ инспектори томонидан ҳайдовчи 1988 й.т. С.Х. бошқарувидаги Нексия-2 автомашинаси қоида бузганлиги учун тўхтатилган.
Инспектор томонидан ҳайдовчига тушунтириш берилиб, тегишли ҳужжатларни тақдим этиши сўралганида, ҳайдовчи ҳужжат беришдан бош тортиб воқеа жойидан кетиб юборган.
Шундан сўнг шаҳар деҳқон бозори ҳудудида 2 чи марта тўхтатилган фуқаро огоҳлантирилиб, қонуний талабга бўйсуниши сўралганида, у ЙПХ инспекторини турли сўзлар билан ҳақоратлаб, қаршилик кўрсатишда давом этган.
Натижада инспектор Ўзбекистон Республикаси "Ички ишлар органлари тўғрисида"ги қонунга асосан, "электрошокер" қўллаган.
Ҳозирда воқеа иштирокчиларининг ҳаракатларига ҳуқуқий бахо бериш мақсадида қўшимча ўрганиш ишлари ўтказилмоқда.