Хўш, вируснинг қайси штамми кенг тарқалмоқда? Асоратлар қандай бўлади?
Шу каби саволларга Санитария эпидемиологик осойишталик ва жамоат саломатлиги хизмати бошлиғи ўринбосари Нурмат Отабеков жавоб берди:
— Сўнгги 1 ҳафта 10 кун ичида бутун дунё бўйлаб вирус авж олиб бормоқда. Маълумотларга кўра асосан омикрон штамми тарқалмоқда,- деди Н.Отабеков.- Шунингдек омикрондан бошқа штамм касаллик чақирмаяпти деган фикрлар ҳам бор.
Худди шундай, Ўзбекистон шароитида ҳам касаллик бир мунча кўтарилган. Сўнгги 7 кунни оладиган бўлсак сал кам 500 нафар беморни шифохонага ётқиздик ҳамда 350 нафарга яқин беморни шифохонадан чиқардик.
Унинг қайд этишича, Ўзбекистонда ҳам асосан омикрон штамми кенг тарқалмоқда. У юртимизга кириб келганида асосан ёши катталарда аниқланган бўлса, эндиликда қатлам танламаяпти.
«Бизни безовта қилаётгани шифохоналарга ҳам ўткир респиратор вируси ҳам коронавирусга чалинган беморлар мурожаат қилмоқда. Қачонки микс инфекция - 2 та юқумли касаллик қўзғатувчиси бир пайтда организмга юқадиган бўлса, унинг асоратлари ҳам жиддийроқ бўлиши мумкин», дейди Санитария эпидемиологик осойишталик ва жамоат саломатлиги хизмати бошлиғи ўринбосари.
