Инсоният пайдо бўлгандан буён моддий манфаатлар, бойлик доимо қизиқтириб келган. Ҳозирги кунда бойлик орттириш ёки зарурият туфайли пул топишнинг чексиз усул ва йўллари мавжуд. Куннинг ҳам тун ва кун қисми бўлганидек, пул топишнинг ҳам ҳалол ва ҳаром йўллари мавжуд. Шулардан бири бу – ҳозирги кунда ёшларни ўзига оҳанграбодек тортаётган азарт ўйинларни эслаб ўтиш кифоя.
Аксарият инсонлар меҳнатга куч сарфлашларсиз ўтириб пул топиш истагида ёнадилар, азарт ўйинлар бундайлар учун ечимдир (фақатгина уларнинг фикри холос).
Азарт ўйинларда иштирок этиш - Ўзбекистон Республикасининг Маъмурий жавобгарлик тўғрисидаги кодексининг «Қимор ва таваккалчиликка асосланган бошқа ўйинлар» 191-моддаси бўйича тартибга солинади ва жазоланади.
Сизда шундай таассурот туғдирадики, бу ўйинлар сизга чиройли кийимларда юриш, қимматбаҳо машиналар, қора меҳнатсиз ҳаёт, ҳаётнинг ҳар дами фақат роҳат-фароғатда ўтишини берадигандек туюлади. Пул ишлаб топмасангиз, ҳаётингизда барча нарсалар муҳайё бўлса. Бундай ҳаёт муҳитига ҳалол меҳнат билан ризқ топиб ҳам эришса бўлади.
Динимизда бандаларнинг бир бирларининг молида ҳам, жонида ҳам ҳаққи йўқ эканлиги кўп таъкидланган. Ўзимизнинг ҳолатимиздан кўра ўзга ҳақида ҳам, озгина чуқурроқ фикр юритсак яхши менимча.
Сиз пул тикиб ютган чоғингизда ҳам сизни ютуғингизни ўша компания беради деб ўйлайсизми? Асло, сизнинг ютуғингиз кимларнингдир мағлубияти эвазига тўланади!
Демак ўзганинг ҳаққини оляпсиз. Ютқазаётган кишининг ҳолати тасаввур қиляпсизми? Ёки, сиз ҳаттоки унинг фаолияти, оиласининг аҳволи ҳақида ҳам бил майсиз. Балки инсонлар ўзи учун керакли ва қадрли нарсасини сотиб пулини тикгандур, кимдир учун бу чиқиш йўли деб ўйлаб бор молу мулкини гаровга қўйгандур.
Ўйлаб, яхшилаб мулоҳаза қилиб кўринг. Сиз ишлаб топаётган пулларнинг барчасини ўзингизни ризқингиз эканлигини ишонч билан такидлай оласизми? Балки фарзандингиз, балки ота-онангиз ёки бошқа бир яқинингиз ризқини ҳам сизнинг дасту-корингизга бераётгандур. Дунёда инсон учун ҳамма нарсадан ҳам қадрли нарсалардан бири бу оиладир. Айни Муборак Рамазон ойида ўз оилангиз ризқини қийманг.
Шундай экан, бундай ўйинларнинг сиртмоғига тушмаслик учун нима қилиш керак?
Пул топишнинг жуда кўп турлари мавжуд бўлиб, ҳозирги кунда уйда ўтирган ҳолда интернет орқали топиш тури ҳам ривожланмоқда. Бунинг учун онлайн хизмат кўрсатадиган ташкилотлар, хизматлар ва ҳаттоки бозорлар ҳам ривожланди. Деярли саноатнинг кўп тармоқлари интернет тармоғига боғланган.
Шундай экан, сиздан компьютер технологияларини чуқур ўрганган ҳолда, замонавий онлайн касбларни ўрганиб, бемалол пул топишингиз учун шароит мавжуд.
Онлайн касблар, технологияларни ўргатиш бўйича юртимизда минглаб ўқув марказлари, курслари мавжуд. Эринчоқлар учун ҳаттоки онлайн курслар ҳам мавжуд.
Халқимизда бир мақол бор: «Ошинг ҳалол бўлса, кўчада е!»
Бу кичик мақола туфайли кимдир – ўзининг хатти-ҳаракати ҳақида бироз фикр юритса ва тўғри қарорга келса бу менинг жамиятимизга қўшган кичик бир ҳиссам бўлади деб ўйлайман.
Абдуссаломжон Аъзамов,
«Олмалиқ КМК» АЖ Ихтисослаштирилган таъмирлаш ишлари бошқармаси
1-бўлинмасининг таъмирлаш ишлари бўйича устаси
