Кеча чемпионатнинг гуруҳ машқи дастуридан ўрин олган мусобақалар бўлиб ўтди. Унда мураббий Екатерина Пирожкова раҳбарлигидаги Нилуфар Шомурадова, Ксения Александрова, Динара Равшанбекова, Севара Сафоева ва Камола Ирназаровадан иборат мамлакатимиз бадиий гимнастикачилари рақибларидан сезиларди даражада устун эканликларини намойиш этишди ва 83,95 балл билан ғолиб чиқишди. Иккинчи ўринни 61,90 балл тўплаган жанубий кореяликлар, учинчи ўринни 43,95 балл тўплаган таиландиклар эгаллади.
Қувонарли томони шундаки, қизларимиз гуруҳ машқида Токио олимпиадаси лицензиясига эга бўлишди.