Қайд этилишича, Венгрия пойтахти Будапешт шаҳрида бўлиб ўтган 45-бутунжаҳон шахмат Олимпиадасида бронза медалларни қўлга киритган Ўзбекистон эркаклар жамоаси аъзоларига “Президент совғаси” сифатида BYD Chazor русумли автомобиллар ҳамда 170 миллион сўм миқдорда пул мукофоти топширилади.
Маълумот учун, ушбу мусобақада амалдаги чемпионлар сифатида қатнашган Ўзбекистон жамоаси 17 очко билан учинчи ўринни қўлга киритди. Қизлар терма жамоаси эса якуний жадвалда 12-поғонани банд этди.
Эслатиб ўтамиз, шахмат бўйича Ўзбекистон эркаклар терма жамоаси 45-Бутунжаҳон шахмат Олимпиадасида қарийб 200 та давлат вакиллари орасида 3-ўринни эгаллаган эди.
