Бу ҳақда Фавқулодда вазиятлар вазирлиги хабар берди.
Шу йилнинг 16 июль куни тунги соат 00:28 ларда Тошкент вилояти, Бўстонлиқ туманидаги "Чимён" ёнғин-қутқарув отрядига Катта Чимён тоғида 2 нафар фуқаро айлангани келиб, адашиб қолганлиги тўғрисида хабар келиб тушди.
Хабарга асосан айтилган манзилга зудлик билан бир гуруҳ ФВВ қутқарувчилари етиб бориб, қидирув-қутқарув ишларини олиб борди. Амалга оширилган саъй-ҳаракатлар натижасида фуқаролар соғ-саломат топилиб, тунги соат 02:53 да хавфсиз ҳудудга олиб тушилди.
Ҳодиса оқибатида тан жароҳати олганлар йўқ.
