Бортида илк 245 нафар зиёратчи билан Жиддадан учган «Uzbekistan Airways» миллий авиакомпаниясининг самолёти 14 июль куни маҳаллий вақт билан соат 21:50 да Тошкент халқаро аэропортига қўнди.
Зиёратчилар пойтахт аэропортининг учиб келиш залида кутиб олинди махсус автобусларда «Новза» жоме масжидига етказилди. Ўзбекистон мусулмонлари идораси ҳам зиёратчиларнинг яқинларига терминал ва аэропорт олди ҳудудларида тирбандликларни олдини олиш мақсадида зиёратчиларни аэропортда эмас, балки «Новза» жоме масжиди олдида кутиб олишни тавсия қилмоқда.
14-31 июль кунлари Жиддадан Тошкент, Наманган, Қарши, Самарқанд, Бухоро, Урганч ва Нукусга жами 45 та рейс амалга оширилиши режалаштирилган.
Аллоҳга шукрки, cўнгги йилларда мамлакатимизда диний-маърифий соҳада улкан ислоҳотлар кечмоқда. Хусусан, давлатимизнинг бевосита кўмаги билан юртдошларимизнинг ҳаж ибодатларини ҳар қачонгидан ҳам юксак савияда ташкил этиш, улар учун муносиб қулайликларни яратиб бериш борасида тизимли ишлар қилинмоқда.
Фарғона шаҳрида фаолият юритувчи туристик фирма ходими – Марғилон шаҳрида яшовчи фуқаро ва унинг ўғлини 20 минг АҚШ доллари эвазига Саудия Арабистонига Ҳаж зиёратига юборишни ваъда қилади.
Марғилон шаҳрида фаолият юритувчи туристик фирма раҳбари Я.М. ўзганинг ишончига кириб, уни ва танишини “Ҳаж” зиёратига юбориш эвазига 16 минг АҚШ доллари олган вақтида ашёвий далиллар билан ушланди.
