Давлатимиз рамзлари хусусан, Давлат мадҳиясига нисбатан ҳурматсизлик қилганлик учун қандай жавобгарлик мавжуд?
Жавоб: Ўзбекистон Республикасининг давлат рамзлари давлат суверенитетининг ва халқаро муносабатларда Ўзбекистон тимсоли ҳисобланади.
Давлат рамзлари ҳар бир халқнинг ғурури ва ифтихоридир.
Ҳар бир шахс Давлат рамзларига эҳтиром билан қараши ва ҳурмат қилиш шарт.
Қонунчиликка кўра, давлат рамзларига нисбатан ҳурматсизлик қилганлик учун маъмурий ҳамда жиноий жавобгарлик белгиланган.
Жумладан, Маъмурий жавобгарлик тўғрисидаги кодексга кўра, Давлат рамзларига оид қонунчиликни бузган фуқароларга БХМнинг уч бараваригача, мансабдор шахсларга – уч бараваридан етти бараваригача миқдорда жарима солишга сабаб бўлади.
Жиноят кодекси асосан эса давлат рамзларига ҳурматсизлик қилиш БХМнинг йигирма беш бараваригача миқдорда жарима ёки уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари билан жазоланади.
