ФИФА кенгашининг кеча бўлиб ўтган йиғилишида 2030 йилги жаҳон чемпионатини ариза топширган барча мамлакатларда, яъни учта қитъадаги олтита мамлакат – Марокаш, Испания, Португалия, Уругвай, Аргентина ва Парагвайда ўтказишга қарор қилинди.
Турнирнинг очилиш ўйини Уругвайда, финал ўйини эса Мадриддаги “Сантьяго Бернабеу” ўйингоҳида ташкил этилади. Шу ўринда таъкидлаш лозимки, футбол бўйича биринчи жаҳон чемпионати 1930 йилда Уругвайда бўлиб ўтган. 100 йилдан сўнг ушбу мамлакат яна чемпионат очилишига мезбонлик қиляпти.
Чемпионатнинг аксарият ўйинлари Марокашда, Испанияда ва Португалияда бўлиб ўтади. Жанубий Америка қитъасида учта ўйин ташкил этилади. Уругвайдан ташқари Аргентина ва Парагвай ҳам гуруҳдаги дастлабки ўйинини ўз мухлислари қаршисида ўтказади.
