«Очиқ бюджет» порталида «Ташаббусли бюджет» жараёнининг 2024 йилдаги 2-мавсуми ғолиб лойиҳалари эълон қилинди. Жараёнларда мамлакатимиз бўйлаб 9 млн 81 мингта овоз берилди.
Бу ҳақда Иқтисодиёт ва молия вазирлиги ахборот хизмати маълум қилди.
Таъкидланишича, овоз бериш жараёни якунларига кўра, 2 трлн 139 млрд сўмлик 1772 та лойиҳа ғолиб деб топилди!
"Жараёнларда иштирок этган барча фуқароларга миннатдорлик билдирган ҳолда «Ташаббусли буджет» лойиҳасининг кейинги мавсумларида ҳам фаол бўлишингизни сўраб қоламиз" дейилади хабарда.
Ғолиб бўлган лойиҳалар билан шу ерда танишиш мумкин.
Андижон вилояти Шаҳрихон тумани Беруний истироҳат боғига 42 метр баландликдаги Чархпалак ўйингоҳи қуриш лойиҳаси тадбиркорлик хусусиятига эга бўлишига қарамай овоз бериш босқичига ўтказилган ҳамда ушбу лойиҳа энг кўп овоз олган ҳолда ғолиб деб топилган.
"Ташаббусли бюджет"нинг бу йилги мавсуми 4 босқичда ўтказилиши ва ғолиб лойиҳаларни молиялаштириш учун 2 триллион сўмдан ортиқ маблағ йўналтирилиши кутилмоқда.
Бугун ҳеч бир иккиланишсиз айтиш мумкинки, давлатимиз раҳбари ташаббуси билан бошланган "Ташаббусли бюджет" лойиҳаси қисқа вақт ичида кенг жамоатчиликнинг бирлашувига сабаб бўлди. Фуқароларнинг молиявий саводхонлиги ошиб, бюджет маблағлари сарфланишида иштирок этишлари учун имкон берадиган давлат ва жамият ўртасидаги ишончли кўприк вазифасини бажарувчи ижтимоий лойиҳага айланиб улгурди.
