Вазирлар Маҳкамаси ҳузуридаги Макроиқтисодий ва ҳудудий тадқиқотлар институти (МҲТИ) мутахассислари томонидан 2025 йилнинг феврал ойида иккиламчи бозордаги автомобиллар нархлари ўзгариши таҳлил қилинди.

Маҳаллий оммабоп автомобиллар нархи

Жорий йилнинг феврал ойида маҳаллий оммабоп автомобилларнинг ўртача нархи пасайди. Хусусан:

• "Оniх": ўртача фойдаланилган - 3%га ($13 500 дан $13 100 га), кам фойдаланилган - 0,1%га ($14 865 дан $14 850 га);
• "Lacetti": кўп фойдаланилган - 0,3%га ($13 500 дан $13 461 га);
• "Cobalt": ўртача фойдаланилган - 2,4%га ($12 300 дан $12 000 га), кам фойдаланилган - 1,2%га ($12 750 дан $12 600 га), кўп фойдаланилган - 0,5%га ($11 600 дан $11 538 га);
• “Nexia”: ўртача фойдаланилган - 1,9%га ($11 500 дан $11 284 га); кўп фойдаланилган - 0,9%га ($10 800 дан $10 700 га);
• "Spark": ўртача фойдаланилган - 1%га ($10 500 дан $10 400 га), кўп фойдаланилган - 0,9%га ($9 600 дан $9 500 га);
• "Damas": ўртача фойдаланилган - 3,6%га ($7 985 дан $7 000 га), кам фойдаланилган - 0,8%га ($8 061 дан $8 000 га) арзонлашган.

Маҳаллий люкс автомобиллар нархи

• "Equinox": кўп фойдаланилгани 1,1%га ($27 300 дан $27 000 га) арзонлаган бўлса, ўртача фойдаланилгани эса 3,2%га ($31 000 дан $32 000 га) қимматлашди.
• "Malibu": кам фойдаланилгани 0,7%га ($31 907 дан $31 682 га) арзонлашган бўлса, ўртача фойдаланилгани деярли ўзгаришсиз ($29 000 дан $29 070 га) қолган.
• "Tracker": кўп фойдаланилгани 1,1%га ($16 984 дан $16 800 га) тушган бўлса, кам ва ўртача фойдаланилгани нархларида ўзгариш кузатилмаган.

Электромобиллар нархи

Мазкур даврда BYD E2 нарх жиҳатидан маҳаллий оммабоп автомобилларга жиддий рақобатчига айланган бўлса, янги BYD Song Plus автомобиллари нархлари сезиларли арзонлади.

• BYD "E2": янги - 1,8%га ($16 800 дан $16 500 га), кўп фойдаланилган - 2,0%га ($14 800 дан $14 500 га);
• BYD "Han": янги - 0,5%га ($32 150 дан $32 000 га), ўртача фойдаланилган - 4,4%га ($36 500 дан $34 900 га);
• BYD "Song Plus DM-i Champion": янги - 1,7%га ($29 000 дан $28 500 га), ўртача фойдаланилган - 0,2%га ($27 050 дан $27 000 га), кўп фойдаланилган - 0,6%га ($24 650 дан $24 500 га);
• BYD "Song Plus EV Champion": янги - 1,1%га ($28 000 дан $27 700 га);
• BYD "Yuan Up": янги - 1,4%га ($20 800 дан $20 514 га) арзонлаган.

Хорижий автомобиллар нархи

• Кia "Sorento": ўртача фойдаланилгани 1,3%га ($40 000 дан $39 500 га) арзонлаган бўлса, кўп фойдаланилгани 1,3%га ($40 000 дан $39 500 га) тушди.
• Кia "Sportage": ўртача фойдаланилгани 2,3%га ($31 590 дан $30 850 га), кўп фойдаланилгани 4,6%га ($29 733 дан $28 363 га) арзонлаган.
• Кia К5: ўртача фойдаланилгани 1,3%га ($27 549 дан $27 200 га), кўп фойдаланилгани 1,9%га ($26 500 дан $26 000 га) тушган.

Автомобиллар босиб ўтган масофаси ҳамда ишлаб чиқарилган йилига кўра, қуйидаги гуруҳларга ажратиб олинди:

“Кам фойдаланилган”

• 2024 йилда ишлаб чиқарилган ҳамда босиб ўтган масофаси 20 000 км. гача бўлган автомобиллар ҳамда 2025 йилда ишлаб чиқарилган барча автомобиллар;

“Ўртача фойдаланилган”

• 2024 йилда ишлаб чиқарилган ҳамда босиб ўтган масофаси 20 000 км. дан 50 000 км. гача бўлган автомобиллар, шунингдек, 2022-2023 йилларда ишлаб чиқарилган ҳамда босиб ўтган масофаси 40 000 км. гача бўлган автомобиллар;

“Кўп фойдаланилган”

• 2024-йилда ишлаб чиқарилган ва босиб ўтган масофаси 50 000 км. дан кўп бўлган автомобиллар, 2022-2023 йилларда ишлаб чиқарилган ҳамда 40 000 км. дан ортиқ масофани босиб ўтган автомобиллар ҳамда 2021 йилда ишлаб чиқарилган барча автомобиллар.