Аввалроқ Индонезия қирғоқ қўриқчилари 100 га яқин рохинжалар бўлган кема чўкиб кетганидан сўнг 75 нафар қочқинни сувдан қутқаришга муваффақ бўлган эди. 10 дан ортиқ одам бедарак йўқолган, ҳодиса юз берган ҳудудда қидирув ишлари давом этмоқда.
Рохинжалар Мьянмадаги исломий этник-диний озчиликдир. Улар асосан Бангладеш билан чегарадош Ракхайн штатида яшайди, бу ерда бир неча бор маҳаллий буддистлар билан тўқнашувлар содир бўлган. Ушбу этник гуруҳнинг кўплаб вакиллари Мьянмадан Бангладешга қочиб кетишди. Баъзилар минтақанинг бошқа мамлакатларига – Индонезия, Малайзия, Таиландга кўчиб ўтишга ҳаракат қилмоқда, деб хабар беради tass.ru.
