“Ливандаги ҳарбий ҳужум операциялари режалари маъқулланди ва тасдиқланди ҳамда ердаги қўшинларнинг жанговар тайёргарлигини оширишни давом эттириш бўйича қарорлар қабул қилинди”, дейилади баёнотда.
Сешанба куни эрталаб улар Шимолий ҳарбий округ қўмондони Ори Гордин ва Бош штаб оператив бошқармаси бошлиғи Одед Басюк томонидан келишиб олинган эди. Улар Исроилнинг Шимолий қўмондонлигидаги вазиятни ҳам баҳолашди.
Исроил-Ливан чегарасидаги вазият 2023 йил октябрь ойида Ғазо секторида ҳарбий ҳаракатлар бошланганидан кейин кескинлашди. ЦАХАЛ ва “Ҳизбуллоҳ” жангарилари чегарадаги ҳудудларда ҳар куни бир-бирларининг позицияларига ўқ узмоқда.
Ливан Ташқи ишлар вазирлиги маълумотларига кўра, Исроил томонидан ўққа тутилиши оқибатида 100 мингга яқин одам мамлакат жанубидаги уйларини тарк этишга мажбур бўлди. Тел-Авив яҳудий давлатининг шимолидаги 80 мингга яқин аҳоли худди шундай вазиятга тушиб қолгани ҳақида маълум қилди, деб хабар беради ria.ru.
