Лойиҳа билан тижорат ва банк сирини ошкор қилиш учун маъмурий жавобгарликни бекор қилиб тижорат, банк, солиқ ёки суғурта сири ҳисобланган ахборотдан ноқонуний фойдаланиш, тўплаш ёхуд ошкор қилиш учун жиноий жавобгарликни белгилаш назарда тутиляпти.
Жазо тариқасида БҲМнинг 100 бараваридан 250 бараваригача жарима ёки бир йилгача озодликни чеклаш ёхуд озодликдан маҳрум қилиш белгиланяпти. Оғирлаштирувчи ҳолатларда 2 йилдан 3 йилгача озодликдан маҳрум қилиш жазоси таклиф этиляпти, деб хабар беради «Norma» портали.
Лойиҳа ўзгартирилиши, унга қўшимчалар киритилиши ёки рад этилиши мумкин.
