Бир мартали компенсациялар 1,4 млн муҳтож оилани қамраб олади. Давлат уларни тўлаш учун 370 млрд сўм ажратди. Октябрь охиригача «Инсон» ижтимоий хизматлар маркази, Маҳалла уюшмаси ва ҳокимликлар эҳтиёжмандлар рўйхатини шакллантирадилар.
Қандай компенсация
Иситиш мавсумида (ноябрь—февраль) коммунал тўловларга харажатлар ортади. Эҳтиёжмандларга кўмак бериш учун, давлат йилда бир марта қуйидагилар бўйича ёрдам пули тўлайди:
- асосий рўйхат бўйича. Унга «Ягона ижтимоий ҳимоя реэстри» орқали болалар нафақаси ва/ёки моддий ёрдам оладиган оилалар киради (1,2 млн оила);
- қўшимча рўйхат бўйича. Унга бошқа эҳтиёжмандлар киради (180 минг оила).
Тўлов газ ва электр энергиясига тарифлар ошиши оқибатини юмшатишда ёрдам беради.
Савол: Агар ногиронлиги бор бола учун нафақа олаётган бўлсам, асосий рўйхатга кираманми?
Жавоб: Йўқ. Асосий рўйхатга «Ягона ижтимоий ҳимоя реэстри» орқали бола нафақаси ва/ёки моддий ёрдам олувчи оилалар киради. Аммо сиз қўшимча рўйхатга киришингиз мумкин.
Неча пул тўланади?
Компенсация йилда бир марта тўланади. Миқдори – 270 минг сўм.
Савол: Агар оилам катта бўлса ва 270 минг етмаса, нима қилиш керак?
Жавоб: Бу 270 мингдан ташқари, сиз – электр энергияси ва газ истеъмоли ижтимоий меъёрдан ошганлиги учун бошқа компенсация ҳам олишингиз мумкин. Бу икки компенсация сизга иситиш мавсумида газ ва электр учун тўлов қилишда ёрдам беради. Иккинчи компенсацияни қандай олиш тўғрисида кейинроқ сўзлаб берамиз.
Агар асосий рўйхатга кирсангиз, компенсация қандай олинади
Агар оила «Ягона ижтимоий ҳимоя реэстри» орқали болалар нафақаси ва/ёки моддий ёрдам оладиган бўлса, компенсация автоматик равишда ўша картага тушади. Ҳеч нарса қилиш талаб этилмайди.
Савол: Агар бир уйда «Ягона ижтимоий ҳимоя реэстри»дан бир нечта оила яшайдиган бўлса, ҳар бир оила 270 минг сўм оладими?
Жавоб: Ҳа. Бу компенсация оилага тўланади.
Савол: Агар мен бир неча болага нафақа оладиган бўлсам, компенсациям кўпроқ бўладими?
Жавоб: Йўқ, компенсация миқдори болалар/оила аъзолари сони ва бошқа шартларга боғлиқ эмас. Миқдори ҳамма учун бир хил – 270 минг сўм.
Асосий рўйхатда бўлмасангиз, компенсация қандай олинади?
Бир мартали компенсацияни қўшимча рўйхатдаги кам таъминланганлар – боқувчисини йўқотган оилалар, ёлғиз оналар, ногиронлар ва бошқа эҳтиёжмандлар ҳам оладилар.
Пул қачон тушади?
Пул картага 2024 йил 27 ноябрдан кейин ўтказилади.
Қандай мурожаат қилиш мумкин?
Консультация ва мунозараларни ҳал этиш учун «Инсон» ижтимоий хизматлар марказининг тезкор линияси ишламоқда. Қисқа рақам – 1140.
Муҳим Эслатиб ўтамиз, бир мартали компенсация – давлатдан ягона ёрдам эмас. Иситиш мавсумида эҳтиёжманд оилалар яна электр энергияси ва газ истеъмоли ижтимоий меъёрдан ошганлиги учун ҳам компенсация оладилар.
