2023 йилнинг 26 январь куни Метрополитенда ХТБга фуқаро Р.Т ариза билан мурожаат қилиб, шу йилнинг 25 январь куни метрополитеннинг “Чилонзор” бекатида чипта олиш учун касса ёнида турган вақтида, эгнидаги қора рангли курткасининг ўнг ён чўнтагида бўлган, “Spark Go” русумли уяли телефон аппаратини номаълум шахс томонидан ўғирланганлигини маълум қилган.

Тезкор суриштирув тадбирлари жараёнида, юқоридаги жиноят муқаддам судланган фуқаро И.А томонидан содир этилганлиги аниқланиб, қўлга олинган. Фуқаро И.А ўз кўрсатмаларида ҳақиқатдан ҳам 2023 йилнинг 25 январь куни соат таҳминан 11:50ларда “Чилонзор” метро бекатида киссавурлик йўли билан ўғирлаб олиб, воқеа жойидан яширинганлигини, ўғирланган телефон аппаратини сим картасини чиқариб ташлаб юбориб, “Фарход” бозори олдида бир номаьлум шахсга 200.000 сўмга сотиб юборганлигини маълум қилган.

Ҳолат юзасидан ИИВ Транспорт ва туризм объектларида хавфсизликни таьминлаш департаменти Тергов бошқармаси томонидан жиноят иши қўзғатилиб, тергов харакатлари олиб борилмоқда.