Туризм ва маданий мерос вазирлиги ҳамда унинг ҳузуридаги Маданий мерос агентлиги томонидан Ўзбекистон Республикаси ҳудудида жойлашган маданий мерос ёдгорликларини муҳофаза қилиш мақсадида Ишонч телефони ишга туширилди.
Бу ҳақда Туризм ва маданий мерос вазири ўзининг телеграмдаги саҳифасида маълум қилди.
Энди мамлакатимиз фуқаролари ва юртимиз меҳмонлари бирор бир обидага нисбатан ноқонуний хатти-ҳаракатлар ёки уларга бўлаётган хавфни сезган ҳолатда, + (71) 200 01 18 телефон рақамига мурожаат қилишлари мумкин бўлади.
Мамлакатлар тараққиётида маънавият, маданият бирламчи масалалардан бири ҳисобланади. Айниқса, ҳозиргидек глобал дунёда ўзликни сақлаб қолиш, ягона халқ бўлиб олға интилишда санъат ва маданиятнинг аҳамияти катта. Юртимизда эзгулик, инсонпарварлик тамойилига асосланган “Миллий тикланишдан — миллий юксалиш сари” ғояси кенг тарғиб этилмоқда. Бу жамиятимизда соғлом дунёқарашни ривожлантириб, бунёдкорлик ташаббусини умуммиллий ҳаракатга айлантиришга хизмат қиляпти. Халқимиз қалбида бугунги ислоҳотларга ишонч, тинч ва осойишта кунларга шукроналик, эртанги ёруғ келажакка умидни тобора кучайтирмоқда. Мазкур ислоҳотлар жараёнида маданият ва санъатга, унинг тараққий топишига алоҳида эътибор қаратилмоқда.
Самарқанд вилояти Пастдарғом туманида истиқомат қилувчи фуқаролар мурожаатига асосан, Қайрағоч қишлоғида жойлашган “Кўктош” қабристони ҳудудидан топилган қадимий 2 та дахма ҳамда 1 та қабртош ишчи гуруҳ томонидан ўрганилди.
