Ўзбекистон Республикаси Президенти Шавкат Мирзиёевнинг таклифига биноан мамлакатимизда давлат ташрифи билан бўлиб турган Мўғулистон Президенти Ухнаагийн Хурэлсух 25 июнь куни Хоразм вилоятига жўнаб кетди.
Бу ҳақда ЎзА хабар қилди.
Тошкент халқаро аэропортида Мўғулистон раҳбари ва унинг рафиқасини Ўзбекистон Республикаси Бош вазирининг ўринбосари Жамшид Хўжаев ва бошқа расмийлар кузатиб қўйди.
Ташриф дастурига кўра, олий мартабали меҳмон Хива шаҳридаги тарихий обидалар, халқимизнинг бой маданий мероси билан танишади.
Хоразм қовунчилигини кенг тарғиб қилиш орқали маҳаллий ва хорижий сайёҳларни эътиборини қаратиш ва туристлар оқимини ошириш мақсадида жорий йил 9-11 август кунлари Хива шаҳри «Ичан қалъа» давлат музей-қўриқхонаси ҳудудида халқаро «Қовун сайли» фестивали ўтказилади.
