Фавқулодда вазиятлар вазирлигининг хабар беришича, шу йилнинг 17 апрель куни соат 16:04 да Хоразм вилояти ФВБга Ҳазорасп тумани, “Темирчи Маскан“ МФЙда жойлашган 3 қаватли савдо дўконида ёнғин рўй берганлиги тўғрисида хабар келиб тушган.
Шунга кўра ёнғин-қутқарув экипажи соат 16:11 да ёнғин жойига етиб борган ва ёнғин соат 17:10 да батамом ўчирилган.
Ёнғин натижасида савдо дўконнинг 280 кв.м майдонда томи, шифти ва ички қисми ҳамда жиҳозлари ёниб зарарланган. Тезкор ҳаракатлар натижасида савдо дўконининг 200 кв.м майдони ёнғиндан сақлаб қолинган.
Ёнғин сабаби ва зарари аниқланмоқда.
Ёнғин натижасида тан жароҳати олган ва вафот этганлар қайд этилмади, — дейилади хабарда.
