Шу йилнинг 1 ноябрь куни Суперлига 23-тури доирасида “Насаф” сафарда “Локомотив”ни мағлуб этиб, муддатидан аввал ўз тарихида илк бор Ўзбекистон чемпионлигини қўлга киритди.
Футбол бўйича Ўзбекистон Суперлигасидан ўрин олган 23-тур учрашуви “Дўстлик” стадионида бўлиб ўтди. Унда “Локомотив” “Насаф” билан учрашди.
Учрашувнинг иккинчи бўлими 73-дақиқасида Акмал Мозговой ҳисобни очди ва ўйин “Локомотив” 0:1 “Насаф” ҳисобида якунланди.
Шу тариқа уч тур қолганида иккинчи ўринда бораётган “ОКМК” клубидан 10 очко ўзиб кетган “Насаф” ўз тарихида биринчи бор Ўзбекистон Суперлигаси чемпиони бўлди.
ФИФА раҳбари Жанни Инфантино Саудия Арабистони 2034 йилги жаҳон чемпионатига мезбонлик қилишини эълон қилди. 2030 йилги мундиал эса бир вақтнинг ўзида олти мамлакат - Марокаш, Испания, Португалия, Аргентина, Уругвай ва Парагвайда ўтиши белгиланди.
