Навоийда пора олган ИИБ ходими озодликдан маҳрум қилинди

Навоийда фуқародан пора олган ИИБ ходими жиноий жазога тортилди.

Суд ҳукмида келтирилишича, 1988 йилда туғилган X.M. 2011 йилдан ИИВ тизимида, 2023 йил 11 февралдан Навоий вилоят ИИБ Тезкор қидирув хизмати Киберхавфсизлик бўлинмаси катта тезкор вакили лавозимида ишлаб келган.

Карманада яшовчи фуқаро пластик картасидаги 62 млн сўм пулини ўғирлатган. У ички ишлар органига мурожаат қилганида, X.M. гарчи бундай ҳолатларни фош этиш бевосита хизмат вазифасига кирсада, пулни ким ечиб олганини аниқлаб бериш эвазига 600 доллар сўраган.

2024 йил 11 июнь куни X.M. жабрланувчидан сўралган пул маблағини олган вақтида ДХХ ва департамент ходимлари томонидан тезкор тадбирда ашёвий далиллар билан қўлга олинган.

X.M. судда айбига тўлиқ иқрорлик билдирган ҳамда содир этган қилмишидан чин кўнгилдан пушаймон эканини айтиб, суддан озодликдан маҳрум қилиш билан боғлиқ бўлмаган жазо тайинлашни сўраган.

Суд ҳукми билан X.M. Жиноят кодексининг 210-моддаси (пора олиш) 1-қисмида назарда тутилган жиноятни содир қилишда айбли деб топилган. Унга 2 йил ИИВ тизимида ишлаш ҳуқуқидан маҳрум этган ҳолда 3 йил муддатга озодликдан маҳрум қилиш жазоси тайинланган.

Свет ва газ қарздорлигини йўқ қилиб беришни ваъда қилган газчи ва ҳисобчи ушланди

Олмалиқ шаҳар ЭТК ҳисобчиси ва “Булунғур тумангаз” газ таъминоти бўлими маҳаллада ишлаш хизмати газчиси фуқароларнинг электр ва газ таъминотидаги қарздорликларини йўқ қилиб бериш улардан эвазига пора олган.

Сирдарёда ҳайдовчидан пора олган ЙПХ ходими қамалди

Терговга қадар текширув материалларини ҳайдовчининг фойдасига ҳал қилган ҳолда судга чиқариш, суд тиббий экспертизасини енгиллаштириш ҳамда машинани жарима майдончасидан чиқариб бериш учун 400 АҚШ доллари талаб қилган.

Фарғонада коррупцияга қарши курашувчи мансабдор ходим ушланди — ДХХ

Давлат органларида коррупцион ҳолатларни аниқлаш ва уларга чек қўйиш йўналишида Давлат хавфсизлик хизмати ходимлари томонидан Бош прокуратура ҳузуридаги Департамент билан ҳамкорликда тезкор тадбир ўтказилди.

Андижонда тиббиёт бирлашмаси кадрлар бўлими бошлиғи пора билан қўлга тушди

Андижон вилоятда Қўрғонтепа тумани тиббиёт бирлашмаси бошлиғи вазифасини бажарувчиси ва кадрлар бўлими бошлиғи фуқароларни туман тиббиёт бирлашмасига ишга жойлаштириб қўйиш эвазига улардан пора олган.

Наманганда тўёна кўринишида пора олган кадастр бўлими бошлиғи 5 йилга қамалди

Кадастр агентлигининг Тўрақўрғон туман бўлими бошлиғи ер участкасини ўзбошимчалик билан эгаллаб олган фуқародан жарима қўлламаслик учун ходимининг тўйига тўёна беришни талаб қилган.

Тадбиркорга газ таъминоти ҳужжатларини тайёрлаб беришни ваъда қилган газ таъминоти ходими ...

Ҳозирда мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

Чирчиқ шаҳар ҳокимининг ўринбосари 1 млн АҚШ доллари олган вақтида ушланди

Давлат хавфсизлик хизмати ходимлари Тошкент вилояти Чирчиқ шаҳар ҳокимининг ўринбосарини 1 млн АҚШ долларини ўзининг ҳайдовчиси орқали олган вақтида ушлади.

Навоийда пора олган ИИБ ходими озодликдан маҳрум қилинди