Банкоматнинг банк картасини ушлаб қолишининг асосий сабаблари:
— пин код кетма-кет уч марта нотўғри киритилган;
— банк картаси муддати тугаган (муддати ўтган) ёки блокланган;
— банк картаси механик зарар кўрган (чип зарарланган);
— операция тугаганидан кейин банк картасини банкоматнинг карта ридеридан 10-20 сония ичида қайтариб олмаслик;
— банкоматнинг носоз ҳолатда бўлиши.
Банкомат картани қайтармаганда одатда керакли маълумотларни ўз ичига олган чекни чиқаради. Уни ташлаб юборманг, ушбу чек банк картангизни қайтариб олиш учун банкка мурожаат қилганда фойдали бўлиши мумкин.
Агар банкомат сизга бундай чек бермаган бўлса, қайғуришга ҳожат йўқ, чексиз ҳам банк картангизни қайтариб олишингиз мумкин. Бу ҳақида Марказий банкнинг молиявий саводхонликни ошириш департаменти хабар бермоқда.
