Ёнғин натижасида омборхонанинг 150 кв.м. майдонида қурилиш моллари ёниб зарарланган.
Бу ҳақда Фавқулодда вазиятлар вазирлиги хабар берди.
Шу йилнинг 8-октябрь куни соат 12:47 да Қорақалпоғистон Республикаси, Нукус шаҳри, “Жеке Терек” МФЙ жойлашган қурилиш моллари сақланиб келинган омборхонада ёнғин содир бўлганлиги тўғрисида ФВБга хабар тушди.
Хабарга асосан 4 та ёнғин-қутқарув экипажи соат 12:53 да воқеа жойига етиб бориб, ёнғин соат 13:15 да батамом ўчирилган.
Ёнғин натижасида тан жароҳати олган ва вафот этганлар йўқ.
Ҳозирда ёнғин сабаби ва моддий зарар миқдори аниқланмоқда.
МДҲ Давлат раҳбарлари кенгаши мажлиси доирасида МДҲ бош котибининг ўринбосари, Ўзбекистон дипломати Илҳом Тўйчиевич Неъматовни Россия Федерациясининг “Дружба“ (“Дўстлик“) ордени билан тақдирлаш маросими бўлиб ўтди.
Пойтахт ҳудудида ўтказилаётган гиёҳвандлик воситалари ва психотроп моддаларнинг ноқонуний айланмасига қарши курашиш ойлиги доирасидаги тезкор-профилактик тадбирлар давомида Сергели туманида яна бир жиноий ҳаракатларга чек қўйилди.
