Маълумот ўрнида: "Open Data Institute" томонидан тақдим этиладиган турли даражадаги сертификатларни дунёдаги 155 мингдан ортиқ сайт ва портал олган.
Энг юқори бўлган “Platinum level” даражадаги сертификатга эга бўлган атиги 3 та сайтдан бири – Ўзбекистон Республикаси Президенти ҳузуридаги Статистика агентлигининг расмий сайти - stat.uz. бўлса, “Gold level” олтин даражадаги сертификатга эга бўлган жами 9 та сайт ва порталдан бири – data.egov.uz – Ўзбекистон Республикасининг Очиқ маълумотлар портали ҳисобланади.
Очиқ маълумотлар сертификати очиқ маълумотларнинг сифатли нашр этилишини баҳолаш ва тан олиш учун Очиқ маълумотлар институти томонидан ишлаб чиқилган ва қўллаб-қувватланадиган бепул онлайн воситадир.
