Суҳбат чоғида Афғонистондаги мавжуд вазият, шунингдек, Афғонистон йўналишида Ўзбекистон-Германия муносабатларини ривожлантириш истиқболлари муҳокама қилинди.
Т.Клиннер Афғонистон бўйича ягона минтақавий позиция ишлаб чиқиш, мамлакатда узоқ муддатли тинчлик ва барқарорлик ўрнатиш, афғон халқига гуманитар ёрдам кўрсатиш борасидаги Ўзбекистоннинг саъй-ҳаракатларини юқори баҳолади.
Томонлар Афғонистонда амалга оширилаётган транспорт-коммуникация лойиҳалари, хусусан, «Мозори-Шариф – Кобул – Пешовар» темир йўл линияси қурилишини ҳам муҳокама қилдилар, деб хабар беради Ташқи ишлар вазирлиги матбуот хизмати.