Бу ҳақда Ўзкомназорат маълум қилди.
Таъкидланишича, шу йилнинг 3-24 февраль кунлари ҳар бир ҳудудда навбатма-навбат давлат, нодавлат ва хорижий телеканалларда узатиладиган рақамли телеузаткичларда жадвал асосида профилактика ишлари ўтказилади.
Профилактика ишлари ўтказилаётган вақтда абонент ускунаси созламаларини ўзгартириш тавсия этилмайди.
Маълумот учун, мамлакат аҳолисига телевидение дастурларини узлуксиз ва сифатли тарқатилишини таъминлаш мақсадида «Радиоалоқа, радиоэшиттириш ва телевидение маркази» МЧЖ техник қурилмаларини йиллик режаларда белгиланган муддатларда профилактика ишлари мунтазам равишда амалга оширилади.
