Президент Шавкат Мирзиёев 31 октябрь куни Навоий вилоятига жўнаб кетди.
Навоий вилояти индустриал салоҳияти юқори ҳудуд. Иқтисодий ва инвестициявий имкониятлар туфайли сўнгги йилларда бу янада ошиб бормоқда.
Сафар давомида давлатимиз раҳбари улкан индустрия лойиҳалари, янги корхоналар ва таълим масканлари фаолияти билан танишади.
Ташрифнинг иккинчи куни янги лойиҳаларни ишга тушириш ва вилоятни янада ривожлантириш бўйича йиғилиш ўтказиш режалаштирилган.
Айни кунларда мамлакатимизда муҳим сиёсий жараёнлар кечмоқда. Яқинда бўлиб ўтган сайловлар натижаси бўйича янги парламент шаклланди. Бугун Олий Мажлис Қонунчилик палатасининг Ўзбекистон Республикаси Бош вазири номзодини кўриб чиқиш ва маъқуллашга бағишланган мажлиси ўтказилди.
Президентимиз сўзининг давомида бугун нафақат Ўзбекистон, балки дунёдаги кўплаб мамлакатлар иқлим ўзгаришларининг салбий оқибатларини яққол ҳис қилаётганини қайд этди.
