Мамлакатимизда автомобиль транспорти иқтисодиётнинг муҳим тармоқларидан бири сифатида катта ижтимоий аҳамиятга эга. У аҳоли учун энг қулай ва осон фойдаланиладиган ҳаракатланиш воситаси сифатида ҳаётимизда мустаҳкам ўрин эгаллаган.

Шу муносабат билан, фуқаролар учун автомобиль хариди жараёнидаги муҳим қоидаларни билиш жуда зарур.

Вазирлар Маҳкамасининг 38-сон қарорига мувофиқ, автомототранспорт воситалари билан боғлиқ олди-сотди ва бошқа битимлар умумий ҳолатда нотариуслар томонидан нотариал тартибда тасдиқланиши шарт.

Қуйидаги ҳолатларда нотариал тасдиқ талаб этилмайди:

• Автомобиль ишлаб чиқарувчи корхоналар, расмий дилерлар ва дистрибютор ташкилотлар орқали сотиб олинганда;
• Лизинг шартномалари асосида хизмат кўрсатувчи ташкилотлар (енгил авто воситалардан ташқари);
• 2,0 млрд сўмдан кам бўлмаган устав капиталига эга кредит ёки лизинг компаниялари орқали;
• “TRADE-IN” дастури орқали расмий дилерларга топширилганда;
• Давлат ижрочилари томонидан онлайн-аукционлар орқали автомобиль сотилганда.

Чет элдан олиб кирилган автомашиналар:

• Бошқа давлатлардан олиб келинган автомобиллар божхона ва ДЙҲХ органларида расмийлаштирилгандан сўнггина олди-сотди битими тузилиши мумкин.

Қатъиян тақиқланади:

• Рўйхатдан ўтмаган автомототранспорт воситаларини бозорларда олди-сотди қилиш;
• Биржалар орқали сотиш;
• Транспорт воситаларини битимлар учун хатлаб қўйилган ёки бошқа шахсга бериш ҳуқуқи чекланган ҳолатда фойдаланиш.

Ёшга оид чекловлар:

• Автотранспорт воситаларини 18 ёшга тўлмаган шахсларга;
• Мототранспорт воситаларини 16 ёшга тўлмаган шахсларга расмийлаштириш истисно тариқасида амалга оширилиб, гувоҳномада:
• “Транспорт воситаси эгаси 18 (ёки 16) ёшга тўлгунга қадар васий ва ҳомийлар рухсатисиз битим тузиш тақиқланади” деган ёзув киритилади.

Битимдан сўнг:

• Нотариус томонидан тасдиқланган битимлар тасдиқланган кундан бошлаб 10 кун ичида ДЙҲХ органларида рўйхатдан ўтказилиши лозим.