Марказда назарий имтиҳонни топшириш учун номзодларга 20 та савол ва 25 дақиқа вақт ажратилади. Бунда фуқаро саволлардан камида 18 тасига тўғри жавоб бериши керак бўлади. Назарий имтиҳондан мувоффақиятли ўтган номзодларга амалий имтиҳонларни топширишга рухсат берилади.
Амалий имтиҳон жараёнлари тўлиқ автоматлаштирилган бўлиб, номзоднинг транспорт воситасини бошқариш кўникмалари автоматлаштирилган тизим орқали баҳоланиб борилади ва жараён масофадан кузатилади.
Кутиш залларида ҳам имтиҳон жараёнларини кузатиш имкони яратилган.
Марказнинг тантанали очилиш маросимида Муротжон Азимов, шаҳар ҳокими Нормўмин Холбоев ва жамоатчилик вакиллари иштирок этди.
