«Бозор аста-секин ижара ставкаларини мақбул қийматларга мослаштиряпти. 2022 йил сентябрь ойида Россияда қисман сафарбарлик эълон қилинганида, улар 100-150% га ошди. Ва 400-800 минг тенгега (60-121 минг рубль) яхши квартирани топиш муаммоли бўлиб қолганди. Энди 150 000 тенгега яхши вариантларни танлаш мумкин», — деди Ильященко.
Риелторнинг тушунтиришича, Қозоғистондаги квартиралар ижара нархларининг пасайиши Россияликларнинг мамлакатдаги кўчмас мулкка бўлган талабининг камайишидан келиб чиқди.
«Қозоғистонда россияликларнинг турар-жой кўчмас мулкини ижарага олишга бўлган талаби пасайишда давом этяпти. Агар қисман сафарбарлик эълон қилингандан сўнг, у дарҳол 100-150% га ўсган ва 2022 йил октябрь ойи охиригача юқори бўлган бўлса, ноябрь ойидан бошлаб талабнинг, унинг ортидан ижара нархларининг пасайиши кузатилди», — деди у.
Ильященконинг сўзларига кўра, Қозоғистонда қолган руслар арзонроқ уй-жой ижараси учун риелторларга мурожаат қиляпти.
«Ҳозир биз ички миграциянинг иккинчи тўлқинини белгилаяпмиз. Юқори талаб тўлқинида квартирани қиммат ижарага олганлар вақтинчалик уй-жой учун қулай, аммо айни пайтда арзонроқ вариантни топишга мурожаат қиляпти», — деди у.
Риелторнинг аниқлик киритишича, айни пайтда бундай мурожаатлар кам.
«Қозоғистонда қолганлар сони 2022 йил сентябрь-октябрь ойидагидек кўп эмас. Баъзи чекловлар Қозоғистон ҳудудида узоқ вақт қолиш учун россияликлар вақтинчалик яшаш учун рухсатнома олишлари кераклиги билан боғлиқ», — деди Ильященко.
Қозоғистон меҳнат ва аҳолини ижтимоий муҳофаза қилиш вазири Тамара Дуйсенова ноябрь ойида маълум қилганидек, Россияда қисман сафарбарлик эълон қилинганидан бери 400 мингга яқин россиялик республикага кириб келган. Улардан 320 минг нафари қайтиб кетган, ва 100 мингга яқин россиялик Қозоғистонда қоляпти, деб хабар беради «Газете.Ru
