Ўзбекистондан Қозоғистонга ўтиш чегарасида эркак киши пиёда тарзда маданий мерос ашёларини олиб ўтмоқчи бўлди.
Бу ҳақда Тошкент вилояти божхона бошқармаси хабар берди.
Ҳодиса “Ғишткўприк” божхона постида содир бўлган. Божхона ходимлари Ўзбекистон фуқаросини текширганда, қўл юклари орасида божхона декларациясида кўрсатилмаган юклар аниқланган.
Маълум бўлишича, ўзбекистонлик Қозоғистонга тўртта самовар, микроскоп ва антиквар тиббий жиҳозларни пиёда олиб кетмоқчи бўлган. Маълум қилинишича, ашёлар 1920 йилда ишлаб чиқарилган ва четга олиб чиқилиши тақиқланган маданий бойлик сифатида тан олинган.
“Ғишткўприк“ чегара божхона пост орқали пиёда ҳолда кириб келган фуқаронинг ёнидан йўловчи божхона декларациясида ёзиб кўрсатилмаган 14 дона кўк рангли пакетларга солинган “оздирувчи кофе маҳсулотлари“ борлиги аниқланди.
Сирдарё вилояти “Малик” чегара ўтказиш пунктидан ўтаётган фуқаро текширилганда унинг ички кийимлари ва оёқлари орасига яширилган 9 турдаги 468 дона қимматбаҳо металлдан ясалган ва бриллиант тошлар билан безатилган заргарлик буюмлари борлиги аниқланди.
“Заргарлик буюмларини ишлаб чиқариш соҳасини янада ривожлантириш ва уларнинг рақобатбардошлигини таъминлаш чора-тадбирлари тўғрисида”ги Президент Фармонига кўра, 1 ноябрдан тайёр заргарлик буюмларига нисбатан импорт божхона божи камайтирилади.
