Қуддусда автобусга уюштирилган ҳужум қурбонларидан бири шифохонада ҳаётдан кўз юмди. Қурбонларнинг умумий сони беш нафарга етди, деб ёзди The Times of Israel.
Камида етти кишининг аҳволи оғир, икки нафарининг аҳволи ўртача. Яна уч нафар жабрланувчининг жароҳатлари енгил деб баҳоланмоқда, дейилади газета хабарида.
Ҳужум бугун эрталаб содир бўлди. Икки нафар қуролланган эркак автобусга чиқиб, йўловчиларга қарата ўқ узган. Ҳужум уюштирган иккала шахс ҳам ЦАХАЛ ҳарбий хизматчилари томонидан ўлдирилди. 15 киши жабрлангани маълум қилинди, деб хабар берди kommersant.ru.
Таиланд билан чегарадаги можарода Камбоджа тинч аҳолиси орасида ҳалок бўлганлар сони 15 нафарга етди, 400 мингдан ортиқ одам уйларини тарк этишга мажбур бўлди, дея хабар берди Камбоджа Ахборот вазирлиги.
Буюк Британиядаги музей коллекциясидан 600 дан ортиқ қимматбаҳо буюмлар ўғирланди. Номаълум ўғрилар Буюк Британия империяси ва Ҳамдўстлик коллекцияси ўрин олган Бристоль музейи биносига тунда бостириб киришди. Жиноят ҳалигача очилмаган.
Покистоннинг шимоли-ғарбидаги Хайбер-Пахтунхва вилоятининг Куррам туманидаги назорат пунктига қилинган қуролли ҳужум оқибатида олти нафар покистонлик ҳарбий хизматчи ҳалок бўлди.
