Кения пойтахти Найроби шимоли-шарқида енгил моторли самолётнинг қулаб тушиши оқибатида олти киши, жумладан, ерда икки киши ҳалок бўлди. Бу ҳақда маҳаллий амалдорга таяниб, Reuters агентлиги хабар берди.
Африка тиббий тадқиқотлар ва тараққиёт жамғармасига (AMREF) тегишли Cessna Citation 560 самолёти Найробидан Сомалига учаётган эди. Ҳавога кўтарилганидан кўп ўтмай, у ерга пастлай бошлаган, қурилаётган бинога қулаб тушган, электр симини шикастлаган ва ёниб кетган. Аввалроқ бортда икки нафар учувчи ва икки нафар тиббиёт ходими бўлгани хабар қилинганди.
Воқеа жойида Кения қутқарув хизматлари ишламоқда, полиция воқеани ўрганмоқда, деб хабар берди tass.ru.
Таиланд билан чегарадаги можарода Камбоджа тинч аҳолиси орасида ҳалок бўлганлар сони 15 нафарга етди, 400 мингдан ортиқ одам уйларини тарк этишга мажбур бўлди, дея хабар берди Камбоджа Ахборот вазирлиги.
Буюк Британиядаги музей коллекциясидан 600 дан ортиқ қимматбаҳо буюмлар ўғирланди. Номаълум ўғрилар Буюк Британия империяси ва Ҳамдўстлик коллекцияси ўрин олган Бристоль музейи биносига тунда бостириб киришди. Жиноят ҳалигача очилмаган.
Покистоннинг шимоли-ғарбидаги Хайбер-Пахтунхва вилоятининг Куррам туманидаги назорат пунктига қилинган қуролли ҳужум оқибатида олти нафар покистонлик ҳарбий хизматчи ҳалок бўлди.
