Бунинг асосий омили авиакомпаниялар билан ҳамкорликни самарали ривожлантириш, шунингдек, янги ҳамкорларни жалб қилиш ҳисобланади. Шу тариқа Самарқанд аэропорти минтақадаги асосий транспорт маркази сифатидаги мавқейини мустаҳкамламоқда.

2024 йилда йўловчи оқимининг асосий ўсиши халқаро йўналишларга тўғри келди, уларда 1,31 миллиондан ортиқ йўловчиларга хизмат кўрсатилди.

Ўтган йили очилган янги йўналишлар орасида: Sian (Xитой), Sharm-al-Shayx (Mиср), Туркистон (Қозоғистон), Тюмен, Нижний Новгород ва Иркутск (Россия) бор.

Самарқанд халқаро аэропорти терминалини бошқарувчи "AIR MARAKANDA" компанияси ахборот хизматининг хабар беришича, ўтган йилда аэропортда қуйидаги янгиликлар жорий этилган.

— Ногиронлиги бўлган йўловчилар учун махсус қўнғироқ тугмачаси ўрнатилган бўлиб, унинг ёрдамида ходим билан дарҳол боғланиш ва зарур ёрдам олиш мумкин.

— Терминалда бепул юк тарозилари пайдо бўлди, бу эса парвозга тайёргарлик жараёнини сезиларли даражада соддалаштирди.

— "Hertz", "SIXT" ва "Europcar" халқаро автомобиль ижараси бўйича учта туну кун ишлайдиган шохобча очилди.

— Қўшимча СИМ-карта савдо нуқталари, аксессуарлар ва заргарлик буюмлари дўконлари пайдо бўлди. Терминалда янги кафелар ва қандолатхоналар ташкил этилди, бу эса аэропортда йўловчи ва меҳмонлар учун янада қулайлик яратади.

Бундан ташқари 2025 йилда аэропортда янги йўналишларни очиш, аэропорт инфратузилмасини янада модернизация қилиш ва йўловчиларнинг аэропорт билан ўзаро алоқасини осонлаштириш режалаштирилган.