Давлатларимиз раҳбарларининг қатъий сиёсий иродаси ва биргаликдаги саъй-ҳаракатлари туфайли бугун Ўзбекистон ва Туркия ўртасидаги қардошлик муносабатлари ўзаро ишонч асосида ривожланиб бораётгани алоҳида қайд этилди.
Мулоқот чоғида гендер тенгликни таъминлаш, муносиб меҳнат шароитларини яратиш, аёллар тадбиркорлигини ривожлантириш, аҳолини ижтимоий ҳимояга муҳтож қатламлари билан ишлаш борасида ҳамкорликни чуқурлаштириш масалалари муҳокама этилди.
Аёлларга нисбатан ва оиладаги зўравонликнинг олдини олиш ва унга қарши курашиш соҳасида ташкилий-ҳуқуқий базани такомиллаштириш бўйича тажриба алмашиш мақсадида Олий Мажлис Сенатининг Хотин-қизлар ва гендер тенглик масалалари қўмитаси билан Туркия парламентининг Аёллар ва эркаклар учун тенг имкониятлар қўмитаси ўртасидаги ҳамкорликни янада ривожлантириш таклифи илгари сурилди.
Конструктив ва амалий руҳда ўтган учрашув якунида хотин-қизларнинг иқтисодий имкониятларини рўёбга чиқариш борасида қўшма лойиҳа ва дастурларни амалга оширишга келишиб олинди, деб хабар беради Олий Мажлис Сенати матбуот хизмати.