“ШҲТ доирасида бу борадаги баёнот биринчи марта қабул қилинмоқда. Бу Ташкилотнинг минтақавий ва глобал иқлим муаммоларини шакллантириш ва амалга оширишда фаол иштирокчи бўлиш истаги ва тайёрлигини кўрсатади.

Хусусан, ҳужжатда ШҲТга аъзо давлатларнинг ушбу соҳадаги асосий халқаро-ҳуқуқий механизмлари – БМТнинг иқлим ўзгариши бўйича доиравий конвенцияси ва Париж келишуви қоидаларини самарали амалга ошириш масалаларига умумий ёндашувлари акс эттирилган”, — деди Ўзбекистон Ташқи ишлар вазирлиги расмий вакили Юсуф Қобулжонов.

ЎзбекистонТашқи ишлар вазирлиги расмий вакили Юсуф Қобулжоновнинг маълум қилишича, ШҲТга аъзо давлатлар Миллий координаторлари кенгаши йиғилишида халқаро иқтисодиётни ривожлантиришда муҳим аҳамиятга эга бўлган яна бир баёнот келишиб олинди..

“Баёнотда таъминот занжирлари хавфсизли ва барқарорлигига, кўп томонлама савдо тизими ва Ташкилот аъзоларининг иқтисодиётига таъсир этувчи салбий омиллар кўрсатиб ўтилган.

Шу муносабат билан халқаро таъминот занжирларининг узлуксизлиги, ишончлилиги ва барқарорлигини таъминлаш, ишлаб чиқариш жараёнининг муҳим таркибий қисмлари, биринчи эҳтиёж товарлари ва бошқа товарларнинг узлуксиз савдосини таъминлашга интилиш амалиёти тасдиқланди”, — дея тушунтирди ТИВ вакили.