Биринчи кеманинг борти деярли тўлиқ сақланиб қолган бўлиб, узунлиги 20,5 метр ва кенглиги 5 метр. Иккинчи кеманинг тахминан 8 дан 4,5 метргача бўлган тубининг бир қисми сақланиб қолган.

Ноёб топилма “Аркеологерна” археологлар гуруҳи (Швеция миллий тарихий музейлари таркибига киради) олимлари томонидан аниқланди. Ҳозиргача Швецияда атиги еттита, бутун Европада эса 30 га яқин когг деб аталувчи ана шундай кемалар топилган.

Варбергскогген 1 деб номланган биринчи кемани ясаш учун ёғоч 1346 йилдан кейин ҳозирги Нидерландия, Бельгия ва Франция шимоли-шарқида кесилган. Иккинчи кема (Варбергскогген 2) Шимолий Польшада 1355-1357 йилларда кесилган эман дарахтидан ясалган.

Тадқиқот шуни кўрсатдики, кемалар узоқ сафарда чўкиб кетган. Уларнинг чўкиб кетиши сабаби ҳозирча номаълум – тахминлардан бирига кўра, кемалардан каттароғи саёз сувда ағдарилган.

Археологлар кема парчалари орасидан чарм поябзал, пиёла ва қошиқлар, ёғоч ва чиннидан ясалган уй-рўзғор буюмлари каби кўплаб қадимий буюмларни топишди. Варбергскогген 1 бортида кема ускуналари ва эҳтиёт қисмлари ҳам топилган. У қароқчилардан балласт тошлари тўплами билан ҳимояланган.

Олимлар ёғоч ва тош намуналарини таҳлил қилган ҳолда, тадқиқотни давом эттириш ниятида, деб хабар беради mir24.tv.