Агентлик, юқоридаги каби таклифлар келиб тушса жуда эҳтиёт бўлишни ва унинг чиндан ҳам ҳақиқийлигини текширишни, иш таклифининг ҳақиқийлигини текшириш учун Швейцариядаги потенциал иш берувчи билан бевосита алоқада эканлигига ишонч ҳосил қилишга чақирмоқда.
Шунингдек, фирибгарлар ўзларини компания вакили сифатида кўрсатишидан ва компания ёки ҳатто, Швейцария расмийлари номидан сохта ҳужжатлар ясашидан огоҳлантириб, Швейцарияда ишга олмоқчи бўлган компания билан тўғидан-тўғри мулоқот қилаётганда ҳам турли манбалардан текшириш кераклигини сўрамоқда.
Ҳеч қандай шароитда пул тўламанг ёки ўтказманг! Агар иш таклифи ҳақиқий бўлса, ишлаш учун рухсатнома олиш иш берувчининг зиммасида бўлади. Иш визасини олиш учун Швейцариянинг Москвадаги элчихонасида жойлашган Минтақавий консуллик марказига шахсан ариза топширишингиз керак бўлади. Тошкентдаги элчихонага эмас, — дейилади хабарда.
“Агар сиз ўзингизни бундай жиноят қурбони ёки фирибгарлар билан алоқада бўлдим, деб ҳисобласангиз, бу ҳақда маҳаллий ички ишлар органига хабар беришингизни тавсия қиламиз“, — дейди Швейцариянинг Ўзбекистондаги фавқулодда ва мухтор элчиси Константин Оболенский.
Хорижда қонуний ва хавфсиз ишлашни мақсад қилганлар Миграция агентлиги ва унинг ҳудудий филиалларига ёки лицензияга эга Хусусий бандлик агентликларига мурожаат қилиши мумкин, — дейилади хабарда.
