Унда ташкилотга аъзо миллий федерация ва ассоциация вакиллари иштирок этди. Юртимиз номидан Ўзбекистон самбо ассоциацияси раиси Алишер Алимов қатнашди.
Конгресс давомида бир қатор ташкилий масалалар кўриб чиқилди. Шу жумладан, олдинда турган мусобақа мезбонлари ҳам аниқланди. Унга кўра, 2025 йил самбо бўйича Осиё ва Океания чемпионати мезбонлиги учун Тошкент шаҳри даъвогарлик қилганди. Пойтахтимиз варианти бир овоздан қўллаб-қувватланди.
Шу тариқа, 2 йилдан кейинги Осиё-Океания чемпионати Тошкент шаҳрида ўтказиладиган бўлди.