Бу Тошкент шаҳар ҳокимининг 2025 йил 17 июлдаги «Тошкент шаҳрининг ҳар бир туманида қаламча ва уруғлардан гуллайдиган бута кўчатларини кўпайтириш учун махсус кўчатхоналар ташкил этиш тўғрисида»ги фармойишида кўзда тутилган.
Фармойишда белгиланишича, пойтахтнинг барча туманларида бўта кўчатларини уруғ ва қаламчалардан кўпайтириш учун 100 кв.м дан кам бўлмаган махсус кўчатхоналар ташкил этилади. Кўчатхоналарда:
- Қаламча ва уруғлардан бўта кўчатлари етиштирилади;
- Қўшимча равишда стеллаж, минерал ва органик ўғитлар, агротехник жиҳозлар билан таъминланади;
- Кўчатларни парваришлаш, қўриқлаш ва касаллик ҳамда зараркунандаларга қарши курашиш ишлари амалга оширилади.
Шунингдек, Сергели туманидаги "Манзарали боғдорчилик ва гулчилик" МЧЖ ҳудудида ҳам кўчатлар етиштириш ишлари йўлга қўйилади.
Тошкент шаҳар ҳокимлигининг қурилиш, тўсиқларсиз муҳит яратиш, коммуникацияларни ривожлантириш, экология ва кўкаламзорлаштириш масалалари бўйича мажмуаси ҳамда Тошкент шаҳар Ободонлаштириш бош бошқармаси томонидан ишлаб чиқилган Бута кўчатларини уруғ ва қаламчалардан кўпайтириш бўйича тақсимот режа дастури тасдиқланади ва ушбу ташкил этиладиган кўчатхоналарда қаламчалардан дастурда кўрсатилган миқдорда кўчат етиштириш ишлари тизимли ва уюшқоқлик билан ташкиллаштирилади.
Ҳужжатга илова қилинган тақсимот режа дастурига кўра, Тошкент шаҳри бўйича жами 574 450 дона бута кўчатлари етиштирилади. Экилган бута кўчатларининг қаламчаларини парваришлаш, қўриқлаш ва агротехник тадбирларни ўз вақтида амалга оширилиши, экилган дарахт ҳамда буталарни органик ва минерал ўғитлар билан озиқлантирилиши, дарахт ҳамда буталарни касалланиши ва зараркунандаларга қарши курашиш чоралари кўрилади.
