Беҳзод Раҳматуллаев Тойлоқ туманига янги ҳоким этиб тайинланди.
Халқ депутатлари Тойлоқ тумани Кенгашининг бугун ўтказилган навбатдан ташқари сессиясида ташкилий масала кўрилди.
2018 йилдан буён Тойлоқ туманига раҳбарлик қилиб келган Баҳодир Қодирович Бобоназаров ўз аризасига кўра, вазифасидан озод этилди.
Самарқанд вилояти ҳокимлиги ташкилий-кадрлар гуруҳи раҳбари сифатида фаолият кўрсатиб келаётган Беҳзод Раҳматуллаевич Раҳматуллаев Тойлоқ тумани ҳокими этиб тасдиқланди.
Тўланов Акмалжон Махамматумарович Андижон вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари-иқтисодиёт ва молия бош бошқармаси бошлиғи этиб тайинланди.
Ўзбекистон Республикаси Президентининг фармойишига мувофиқ, Ички ишлар вазирлиги ҳузуридаги Қўриқлаш департаменти бошлиғи вазифасини бажарувчи этиб полковник Шодибеков Қобил Адилович тайинланди.
