Қайд этилишича, ушбу ёриқ эски ва янги бино орасидаги чок бўлиб, университет биносидаги таъмирлаш ишлари вақтида қурилиш ускуналарининг ишлатилиши натижасида юзага келган.

"Қурувчилар тилида бу иссиқ ва совуқ таъсирида доимий ҳаракатда бўлувчи икки бино орасидаги чокдир. Мутахассислар тилида бу "Температурный шов" дейилади. Бу ҳолатнинг бинонинг чўкишига алоқаси йўқ. Чунки эски ва янги биноларнинг пойдевори ҳам бир-биридан алоҳида", дейилади хабарда.

Ёриқнинг келиб чиқиши ва бино деворидаги ёриқ хавфининг даражасини тегишли тартибда ўрганиш мақсадида мутахассислар жалб қилинган.

Шунингдек, ҳолат Қурилиш ва уй-жой коммунал хўжалиги соҳасида назорат инспекцияси ходимлари томонидан ўрганилмоқда.