Аёллар тоифасидаги лицензияларнинг 2 таси гуруҳ пойгаси, 1 таси эса шахсий пойга дастурига тўғри келади. Қизларимиз 1942 очко билан ушбу циклда иштирок этган 103 жамоа орасида 17-натижани қайд этган. Бу Осиё мамлакатлари орасида энг юқори кўрсаткич бўлди.
Йигитларимиз эса 1 228 очко билан 105 жамоа орасида 32-натижани кўрсатди. Бу уларга гуруҳ пойгаси йўналишида 1 та йўлланмани тақдим этди. Қоидага кўра, барча квоталар терма жамоа учун тақдим этилган. Ушбу дастурларда қайси атлетларимиз Париж-2024 Олимпиадасида стартга чиқиши кейинроқ мураббийлар штаби томонидан маълум қилинади, деб хабар беради Миллий Олимпия қўмитаси матбуот хизмати.
Қайд этиш жоиз, велоспортчиларимиз Олимпия ўйинларига биринчи бор 4 та йўлланма қўлга киритяпти.
