“Халқаро шартномани тасдиқлаш тўғрисида”ги Президент қарори (ПҚ-220-сон, 08.07.2025 й.) қабул қилинди.
Қарорга кўра, Ўзбекистон Ҳукумати ва Франция Ҳукумати ўртасидаги реадмиссия тўғрисидаги битим тасдиқланди.
Мазкур битим 2025 йил 12 мартда Париж шаҳрида имзоланган.
Ички ишлар вазирлиги ушбу халқаро шартномани амалга ошириш учун масъул бўлган ваколатли орган этиб белгиланди.
Вазирлар Маҳкамаси ҳамда тегишли вазирлик ва идораларнинг раҳбарлари мазкур халқаро шартнома кучга киргандан кейин унинг қоидалари бажарилиши устидан белгиланган тартибда назоратни таъминлайди.
Қорақалпоғистон Республикаси Вазирлар Кенгаши ҳузурида давлат муассасаси шаклида Ёшлар ижтимоий-иқтисодий маркази дирекцияси, шунингдек, Хўжайли туманида Ёшлар ижтимоий-иқтисодий маркази ташкил этилади.
Кам учрайдиган ва ирсий-генетик касалликларга чалинган болаларни қўллаб-қувватлашнинг янги тизими жорий этилади. Президент қарорига мувофиқ, улар учун тиббий ва ижтимоий ёрдамни кенгайтириш бўйича 2026–2030 йилларга мўлжалланган дастур тасдиқланди.
Президент қарори (328-сон, 03.11.2025 й.) билан «Олий таълим ташкилотлари битирувчиларининг ишга жойлашишига кўмаклашиш бўйича қўшимча чора-тадбирлар тўғрисида»ги ПҚ–61 сон қарорга ўзгартириш ва қўшимчалар киритилди.
