Xiaomi компанияси 28 март куни бўлиб ўтган тақдимотида SU7 электромобилининг техник хусусиятлари ва нархини эълон қилди.
Маълумотларга кўра 673 от кучига эга бўлган электромобилнинг топ версияси 0 дан 100 км/С гача 2.78 сонияда тезлашади. Қувват захираси эса 800 км. Электромобилнинг нархи 43 минг АҚШ долларига баҳоланмоқда ва уни жорий йилнинг 3 апрелидан бошлаб сотиб олиш мумкин.